A PALABRA MÁIS FERMOSA DO GALEGO É VAGALUME
Francisco Castro - 23-04-2006 08:39:56 | Categoria: Todos os meus artigos
No Día do Libro, este blog agasalla cunha Palabra Fermosa a todos os seus visitantes. E de balde
Como prometín, hoxe, Día do Libro, dou a coñecer a que, segundo os lectores desta bitácora, vén sendo a palabra máis fermosa do galego.
A verba escollida foi Vagalume.
Que vos dea luz, libros e futuro.
Comentarios - Referencias (4)
Referencias
-
Um mês depois de comezar o inquerito no blog do escritor Francisco Castro publica-se o resultado: A verba mais querida polos que passarom a dar a sua opiniom é "Vaga-lume".
Referencia de chuza.org hace 2 años y 25 meses
-
[...] vagalume, que como di o Francisco Castro, para darnos luz, libros e futuro. Lémbrao, pequechiño.
Temas: opedrinho
[...]
Referencia de Opaco » Blog Archive » Libros hace 2 años y 25 meses
-
Umha pequena explicaçom da bioluminiscência nos vaga-lumes, motivada pola eleçom desta palavra como a mais bonita do galego
Referencia de O demo me leve hace 2 años y 25 meses
-
[...] Náufrago do concurso para escoller a verba galega máis bonita. A palabra vagalume saiu gañadora e hai que recoñecerlle a beleza anque non se lle pode negar a beleza ás outras palabras concursantes. E o que lle comentei eu: nos concurs [...]
Referencia de Norte Carolina » Blog Archive » Abril 2006 hace 5 meses y 5 dias
Comentarios
-
VAGALUME, ben bonita, por certo.
E ben cumplidor, e polo tanto madrugador.
No meu lugar chamámoslle FERRINO, ó VAGALUME.
Olla, olla o FERRIÑO.
Saúdos, noraboa o/a ocurrente, noraboa tamén a vostede pola iniciativa.
Unha aperta a todos/as.
Comentario de xulioDRabal hace 2 años y 25 meses
-
Congratúlome contigo e co blogomillo
Unha apertaComentario de SZ hace 2 años y 25 meses
-
Vagalume é unha palabra que creo que aparece escrita en galego(-português) nos orixinais das novelas de Emilio Salgari sobre o Corsario Negro.
Para min a beleza é sempre diversa: Cando poderemos saber como quedou o resto da lista?
Obrigado polo agasallo que nos deches.Comentario de Calidonia hace 2 años y 25 meses
-
Unha aperta grande pola túa dedicación.
Comentario de Marinha de Allegue hace 2 años y 25 meses
-
Vaga-lume, vaca-lume, luce-cu, caga-lume, ferrinho. Bonita palavra, bonito becho, bonito regalo
Comentario de Tawil hace 2 años y 25 meses
-
Boa eleición final e noraboa pola iniciativa. Foi unha idea divertida e necesaria pensar na palabra máis fermosa do galego.
Comentario de aldara hace 2 años y 25 meses
-
Fermosa palabra, abofé. Grazas por non esquecerte.
Comentario de peke hace 2 años y 25 meses
-
Unha sabia elección dos blogueiros participantes. Lamento que as miñas propostas non tivesen aceptación no universo blogueiro pero respecto a decisión democrática e maioritaria. Un saudiño.
Comentario de Boedense hace 2 años y 25 meses
-
Unha das máis bonitas palabras que ten o galego, pero non a única .
Vagalume, soa moi ben.Comentario de IaRRoVaWo hace 2 años y 25 meses
-
E unha palabra fermosa e expresiva que ben merece o premio.
Isto e como a eleccion das misses: ganha unha pero as outras non quedan atras. Vamos, digo eu.Comentario de acedre hace 2 años y 25 meses
-
Que ben! en Oleiros cando eu era cativo e as rúas non tiñan nomes as casas identificábanse por nomes. A nosa era "Vagalume".
Comentario de Rodrigo hace 2 años y 25 meses
-
Grazas a todos. Estou abrumado coas vosas participacións.
Comentario de Francisco Castro hace 2 años y 25 meses
-
Fermosa palabra. Facer esta enquisa foi unha idea luminosa.
Comentario de Ghanito hace 2 años y 25 meses
-
O galego merece unha palabra así de fermosa e tamén así de simbólica: unha palabra que fale da natureza, da luz e da vida para esta lingua luminosa, sabia e antiga que ten que vivir e sobrevivir. Unha gran elección!!!!!
Comentario de torredebabel hace 2 años y 25 meses
-
Pois moitas grazas. Luz para tod@s.
Comentario de Francisco Castro hace 2 años y 25 meses
-
A palabra máis fermosa do castelán é amor. Eu creo, aínda que amor tamén é bonita, que vagalume é moito máis bonita .
Podemos dicir que temos un dos idiomas máis fermosos.Comentario de IaRRoVaWo hace 2 años y 25 meses
-
Desde logo, sen embargo, amor é máis tópica. Claro que é fermosa, pero tamén eu quedo con Vagalume.
Comentario de Francisco Castro hace 2 años y 25 meses
-
Parabens polo traballo e máis pola palabra tan preciosa...
Bicos.Comentario de Muralla hace 2 años y 25 meses
-
Moitísimas grazas. Bicos tamén para ti.
Comentario de Francisco Castro hace 2 años y 25 meses
-
ANDOLIÑA venres 28 abril
Vagalume, ardora, andoliña
Marcos Valcárcel
Seguindo o fío de onte, tamén se fixo en galego o concurso sobre a palabra máis fermosa e diso quedamos en falar hoxe. Foi iniciativa do escritor Francisco Castro desde a súa bitácora A canción do náufrago.
Houbo máis de cen propostas e quero recoller algunhas ben fermosas: aloumiño, andoriña, ledicia, chorima, brétema, caluga, bufarda, folerpa, axóuxere, escaravello, poalla, solpor, luscofusco, donicela, bolboreta, améndoa, vichelocrego, gorentar, fiúncho, mainiño, borboriño, pardal, costro, lóstrego, etc. Nos blogs galegos está vivo este debate (tamén no meu) e un amigo fisterrán mándame estas xoias do mundo do mar: ardora, rompente, marusía, ronsel, vogar.
Pero a gañadora foi ‘vagalume’, ese bechiño (Lampyris noctícula) que disque lle brilla o cu, sobre todo á femia, en medio da escuridade da noite. Si, merecía gañar. E ademais ten unha ampla gama de sinónimos de beleza non menor. Escoiten: lucecú, luceiro, lucerna, corcoño, coroceiro, ferriño, vella do caldo, verme da noite...
E moi preto do vagalume, compartindo a súa levidade e a súa fugacidade, está a miña querida ‘andoliña’ que recollera nos vellos tomos verde do seu dicionario don Eladio Rodríguez González.
Comentario de marcos valcárcel hace 2 años y 24 meses
-
A lista de palabras do artigo de Marcos Valcárcel deron en poñerse unha detrás doutra, relacionándose entre sí, coma se xogando se expresaran:
EMPACHO DE VERBAS FERMOSAS (ARDORA)
Co aloumiño da anduriña
estarrecín de ledicia.
Nin chorima nin brétema
dobregarían a miña caluga.
Nin os cabelos na bufarda,
cal mainiñas folerpas
no branco silencio
de axóuxeres acalados,
me someterían.
Vin, no solpor, entre lusco e fusco,
ao escarevello evoluír entre a poalla
mentres a donicela borboriñaba á bolboreta
amargas améndoas,
mouras coma o peteiro do vichelocrego.
Nin o lóstrego fendería
a súa maldade agochada.
Nin o costro do fiúncho con zucre
adozarían as súas intencións.
O pardal arrepiou de presentimento.
El nada sabía do debezo
de vagar na maruxía,
nada de tremer no rompente
mais... nada tampouco sabía
da esperanza do ronsel:
VAGALUME para as novas xeracións
máis sabias ca nós.
Comentario de Rita Mourenza hace 2 años y 24 meses
-
¡Canto talento, Rita! Sobre todo, engaiolan os dous derradeiros versos. Parabéns e grazas.
Comentario de Francisco Castro hace 2 años y 24 meses
-
Vagalume: palabra-luz, lampariña acesa, acendido misterio, lampo de lúa que pasea polas veiras da escuridade. Soño dos meus veráns de nena... Vagalume. Xoia nas miñas mans.
Comentario de Amara Orzania hace 2 años y 24 meses
-
Amara Orzania: vagalume na boca. Moi fermoso. Grazas.
Comentario de Francisco Castro hace 2 años y 24 meses