EU TAMÉN QUERO
Francisco Castro - 20-01-2006 14:21:00 | Categoria: Todos os meus artigos
Como se xa fose pouca a publicidade que tivo O Código da Vinci, agora saen os do Opus Dei dicindo que esperan que a película sexa prohibida aos menores. Quéixanse de que manipula a historia. Amiguiños: ¡que é ficción!
Ao pobre de Jonathan Swift, no seu momento, saíronlle curas escribindo nos xornais dicindo que as viaxes de Gulliver eran unha montaxe e que nunca tal existiran, que que dicía aquel fulano. Tampouco se enteiraron de que era ficción. Outro tanto pasoulle a Verne con algunha das súas Viaxes Extraordinarias.
Así as cousas, o libro de Dan Brown resucita ( con perdón ) e volverá venderse coma churros grazas a esta nova publicidade a conta do Opus.
Daquela, proclamo: ¡eu tamén quero!, eu tamén quero esa publicidade. Quizais a igrexa ignora que eu publiquei un libro de relatos eróticos no que os protagonistas fan de todo. Poderían prohibilo ou perseguirme ou algo. Non sei, a eles que máis lles dá. A ver se así...
Comentarios - Referencias (1)
Referencias
-
[...] falaran sobre O Código da Vinci hai uns meses. Agora volven á carga pedíndolle á productora da película que advirta de que "é ficción".
Hai que ser parviños.
A min ninguén me advertiu que fose ficción Mátrix, e, créanme, non penso en ning [...]
Referencia de A CANCIÓN DO NÁUFRAGO hace 2 años y 25 meses
Comentarios
-
Pero, ¿os teus relatos eróticos eran ficción?...
Comentario de Pedro hace 2 años y 28 meses
-
POis claro. Pero conste que foron moitos os xornalistas que preguntaban iso de... "¿pero que hai de autobiográfico no teu libro?", e eu sempre respondía: "¡máis quixera!"
Comentario de Francisco Castro hace 2 años y 28 meses
-
Por certo que tamén é ficción a Resurreción de Xesucristo. ¿Por qué non pedirán os do Opus que se prohiba aos menores o acceso a toda esa ficción dos Testamentos?
Comentario de Pedro hace 2 años y 28 meses
-
Iso levaríanos ao debate de como é posible que se ensine relixión nos colexios.
Comentario de Francisco Castro hace 2 años y 28 meses
-
Unha polémica, unha polémica, cambio un ollo por unha polémica que apareza en tódolos medios. A nivel español mellor que a nivel galego, europeo mellor que español, etcétera.
Aí estiveches, náufrago.Comentario de erik cachuzo hace 2 años y 28 meses
-
Grazas. Realmente, se os medios escritos, do resto de España ou galegos, recollesen as polémicas que plantexamos nos blogs, sen dúbida, os xornais serían moito máis interesantes.
Comentario de Francisco Castro hace 2 años y 28 meses
-
Material para unha boa polémica: relatos eróticos protagonizados por Xesucristo... Aí terías unha boa...
Comentario de Pedro hace 2 años y 28 meses
-
Aínda que tal cousa calquera escribira, unha vez máis comprobariamos que o libro ía facerse célebre non pola calidade do alí escrito, senón polo seu carácter irreverente. E iso non lle favorece á literatura. O caso de Dan Brown é paradigmático. Independentemente das súas virtudes literarias, que algunha terá, a meirande parte do que se escribiu sobre el foi polo asunto relixioso. Daquela, non por asuntos literarios. Iso é o que me interesa.
Comentario de Francisco Castro hace 2 años y 28 meses
-
Dígame cal é o seu libro de relatos eróticos, parece interesante...
Esta conxunción de manipulación mediática & relixión & erotismo semella unha BOOOOOOMMMMMMMBBBBBBBBBAAAAAAAA!!.
Unha aperta.
Comentario de Marinha de Allegue hace 2 años y 28 meses
-
Ttitúlase Xeografías, e está editado en Positivas. Grazas.
Comentario de Francisco Castro hace 2 años y 28 meses
-
O libro de Dan Brown gustoume e hai que reconhecerlle a sua calidade. Pero o que o fai mais vendido e a propaganda que ten arredor. Estamos nun mundo que o que vende e o anunciado, non o bo en si.
Comentario de acedre hace 2 años y 28 meses
-
O que implica, amigo acedre, que moitos bos libros pasan absolutamente desapercebidos.
Comentario de Francisco Castro hace 2 años y 28 meses
-
Pois si, polémica. Sempre será moito máis doado provocar un debate morboso que un que esixa autenticas respostas e certo grado de compromiso. Todos sabemos de onde tirar se queremos provocar, de tres ou catro temas, e a iglesia e o sexo son as estrelas de todos eles porque gústanos que as mentiras semellen ser verdade.
Comentario de Rosa Velenosa hace 2 años y 28 meses
-
Levas razón, Rosa Velenosa, mais o importante, coma sempre, é a literatura, que o libro sexa bo independentemente da temática. Coido que na arte vale todo, pero non de calquera maneira. O importante é a calidade.
Comentario de Francisco Castro hace 2 años y 28 meses
-
pois xa sabes, fai unha secuela do teu libro cun crego do Opus con todo tipo de perversións, a ver se así cae algo hehe
Comentario de Henrique hace 2 años y 28 meses
-
Non ía darme a cabeciña para tanto, mais, si direi que un conto do meu "A canción do náufrago", en Ir Indo, trata dun amor entre un cura e unha fegresa. Iso si: non é un relato erótico, senón de amor.
Comentario de Francisco Castro hace 2 años y 28 meses