PREMIO MODESTO R. FIGUEIREDO
Francisco Castro - 19-12-2005 13:39:38 | Categoria: Todos os meus artigos
O pasado sábado recibín chamada do xurado do Premio de Narracións Breves Modesto R. Figueiredo que, este ano, organizaba xunto co Padroado do Pedrón de Ouro, o Concello de Cotobade. O meu relato titulado "Ningún fascista morreu inxustamente" recibiu o primeiro premio.O segundo premio foi para Agustín Agra e o terceiro para Paco López-Barxas.
O meu relato conta a historia de tres personaxes nos primeiros días da Guerra Civil. Un falanxista obsesionado con "pasear" a un preso republicano, en teoría, por diferenzas políticas mais, en realidade, hai unha vinganza amorosa detrás. Por outra banda, conto a historia da rapaza que está no medio dos dous e doutro soldado que tentará facer algo por axudala. Non vos conto máis porque, senón, cando saia o libro, non o ledes.
Como poderedes imaxinar, estou moi feliz porque os premios sempre animan, pero, sobre todo, porque o Modesto Figueiredo é todo un clásico das nosas letras, pois leva funcionando desde o ano 1975 e en tantos anos de historia premiouse a autores ben senlleiros da nosa literatura.
E contento, tamén, porque segundo contan as novas de prensa, tanto o meu texto premiado como os outros, así como dúas mencións especiais do xurado, sairán recollidos nun libro auspiciado pola Consellería de Cultura.
Unha vez máis, quero compartir a miña ledicia con todos os que ledes este blog.
Comentarios - Referencias (0)
Referencias
Comentarios
-
Noraboa, Francisco, levas unha racha excelente. Os meus parabéns. Agardamos xa esa publicación.
Comentario de Veloso hace 2 años y 29 meses
-
Moitas grazas, Veloso, a verdade é que non me podo queixar desta fin de ano.
Comentario de Francisco Castro hace 2 años y 29 meses
-
Vaia racha meu benquerido sensei. Parabéns.
Comentario de folerpa hace 2 años y 29 meses
-
Felicidades, un nuevo premio y van..., espero poder leer pronto ese nuevo relato.
Un abrazoComentario de bradomin hace 2 años y 29 meses
-
Noraboa. Mereces ese premio e moitos máis.
Comentario de Máis Alá hace 2 años y 29 meses
-
Noraboa. Sigue coa racha.
Comentario de peke hace 2 años y 29 meses
-
Parabens, Francisco. Vai botar vostede por fóra.
Comentario de ababoro hace 2 años y 29 meses
-
Pois moitas grazas, de novo e para todos. Con lectores así, dá gusto.
Comentario de Francisco Castro hace 2 años y 29 meses
-
xa se sabe que non hai dous sen tres. Entón: "Parabens!!!" e pode seguir cos premios que xa me afixen a ser monotemática neste blog. Apertas!
Comentario de torredebabel hace 2 años y 29 meses
-
Parabéns Francisco. Alégrome moito e devezo por lelo. Nun dos teus relatos do Río Leteo achegábaste ao tema e facíalo amosando moi bo oficio. Estou certo que han vir máis premios. O teu talento e o teu esforzo van facer que sexa así.
Comentario de Do 66 hace 2 años y 29 meses
-
Grazas. En efecto, cando escribín o meu relato "Churros" para Río Leteo, poucos días despois escribín este que agora se premiou. Grazas de corazón a todos.
Comentario de Francisco Castro hace 2 años y 29 meses
-
¡Parabens!. Cuanto me alegro. "Churros" é un dos meus relatos favoritos en "Rio Leteo", de xeito que estou segura de que este será magnífico. Agora a polo 2006,¿non?, ¿ou é posible que aínda quede algunha nova máis para compartir con nos?.
Comentario de Rosa Velenosa hace 2 años y 29 meses
-
Grazas, Rosa. Ogallá poida sempre compartir boas novas con todos vós. A ver como vai o 2006...
Comentario de Francisco Castro hace 2 años y 29 meses
-
Pois si, a min churros gustoume moito tamén. Parabéns, a a non baixar o listón. Agardo pola túa próxima novela.Comentario de Fermin Romero de Torre hace 2 años y 29 meses
-
Espero non baixar o listón. E si, eu tamén desexo ver axiña unha nova novela nos andeis das librerías. Todo se andará.
Comentario de Francisco Castro hace 2 años y 29 meses
-
PARABENS!! e Un beijo con aperta.
Comentario de Marinha de Allegue hace 2 años y 29 meses