AO BOSQUE DE MOAÑA
Francisco Castro - 11-11-2005 14:14:18 | Categoria: Todos os meus artigos
Hoxe polo serán, participarei nunha das actividades que máis poden gustar a un escritor. Convidado pola Lonxa Literaria de Moaña, encontrareime con rapaces e rapazas que leron o meu libro ( sae nunhas semanas traducido ao castelán ), Un bosque cheo de faias (Éverest Galicia ).
A Lonxa Literaria é unha desas alfaias que tanto precisamos neste país. Un grupo de xente voluntariosa e decidida que organiza, ademais dos encontros cos autores, concursos de relatos, recitais de poesía...
Ou O De Sempre: que menos mal que funciona a Sociedade Civil deste país.
Comentarios - Referencias (0)
Referencias
Comentarios
-
Perdoa porque non ven ao caso (ou si). Tiven a inmensa sorte de coller praza para o Taller de Poesía de Caixanova, así que vas ter a enorme responsabilidade de facer de min un poeta.
Comentario de Máis Alá hace 2 años y 35 meses
-
¡Que marabillosa é a linguaxe, que truculenta! ¡¡Taller de poesía!!
Pois veña: "tenda de versos", "reformas de metáforas", "transplante de estrofas", "alongamento de haikus", etc., etc.
A disfrutar.Comentario de tío pepin hace 2 años y 35 meses
-
Si que vén ao caso. Os rapaces e rapazas da Lonxa Literaria de Moaña, xa fixeron un Taller, precisamente, de poesía, comigo. Ao respecto do da responsabilidade... os talleres poden axudar, como ben sabes, a desenvolver o talento. Pero o talento tense ou non. No seu caso, Máis Alá, ben sei que o ten...
Comentario de Francisco Castro hace 2 años y 35 meses
-
Pídolle mil perdóns, Tío Pepin, pero é que ese é o nome da cousa: “Taller de Poesía Caixanova”. A min o nome impórtame ben pouco, impórtame o que alí hai. De tódolos xeitos en Caixanova deben ter un buzón de suxerencias, pódelles dar vostede tódalas ideas que crea necesarias.
Comentario de Máis Alá hace 2 años y 35 meses
ADN.es Medio Oficial Premios Bitacoras 2008: