CHANO NADA POR VERNE
Francisco Castro - 29-07-2005 08:54:40 | Categoria: Todos os meus artigos
O nadador vigués Chano Rodríguez tentará cruzar este domingo, entre as Illas Cíes e a praia de Samil, en Vigo. Só pensalo, xa dá medo.Independentemente da fazaña deportiva, que é enorme, o que máis me agradou da rolda de prensa na que explicou o que vai facer é que dixo que era, tamén, unha homenaxe a Xulio Verne, que falou da Ría de Vigo na súa novela 20.000 leguas baixo dos mares.
O proxecto, como vos digo, é interesante, porque estou moi decepcionado da pouca atención que, na cidade de Vigo, se lle deu ao centenario do pasamento do escritor francés. Non se comprende moi ben que levando como levou o nome da cidade, da súa ría, a batalla en Rande, non se argallasen máis actividades arredor de Verne. Ese libro leuse por millóns de persoas en todas as partes do mundo. E a escena na que Nemo chega aos tesouros de Rande, na ría viguesa, é das máis fermosas e celebradas de toda a obra. Sen embargo, en Vigo, nin caso. Agás unha interesantísima charla de Dasman na Casa do Libro, e algunha que outra homenaxe de grupos particulares de lectores, pode afirmarse que Verne pasou absolutamente desapercebido para a miña cidade.
Hai moito tempo, Ferrín propuxo, e moitos aplaudiron, rebautizar a ponte de Rande como Ponte de Xulio Verne. Nin caso. Despois, instalouse unha fermosa escultura de Nemo e dos seus homes saíndo do mar na praia de Cesantes. Ata onde eu sei, non houbo inauguración oficial.
Chano nadará por Vigo e por Verne. Mentres, a cidade, segue a durmir ollándose o embigo e créndose o Centro da Terra, ou de Viaxe na Lúa... Vai ti a saber.
Comentarios - Referencias (0)
Referencias
Comentarios
-
O mesmíssimo Martin Codax tem rua ainda recente. Não desesperemos, há ter em Vigo reconhecimento antes o Farruquito do que Chano. E esse Verne.. mas, mas, se safou por pelos de que o botaram da academia, com esse sotaque raro. (E o maior tesouro d@s vigues@s, a ria, de continuarmos assim pronto a nadaremos em duas braçadas, de aterramento a aterramento)
Comentario de jlombardeiro hace 2 años y 34 meses
-
Un hurra polo Chano...
Bicos. MurallaComentario de muralla hace 2 años y 34 meses
-
Estimado Francisco Castro: ¿Podrías poñerte en contacto connosco para participar no Centenario de Verne en Vigo?
Unha aperta.Comentario de Alejandro de Arce hace 2 años y 33 meses