AS BRAGAS E A POESÍA
Francisco Castro - 24-06-2005 14:33:26 | Categoria: Todos os meus artigos
Xuro que a historia que conto de seguido é absolutamente certa.A semana pasada recorrín varias tendas de Vigo á procura dun bañador. Nunha delas, había tamén unha non pequena mostra de lencería feminina. Os meus ollos foron atrapados por unhas bragas. Pero non polo que estades a supoñer, mal pensados, senón porque estaba chea de letras.
E como primeiro de todo son un lector ( antes que escritor ), achegueime, collinas na man e lin non sei que cursilada sobre "no llegues tarde que el corazón no me late" e " las estaciones se mueven despacio cuando la luna sale" ou "el círculo es el ámbar irisado de tus pupilas" e ripios polo estilo.
Pensei: velaí un novo camiño para promocionar a poesía. Poemas en bragas.
En casa, xa co bañador comprado, concluín que este será Un País Normal o día no que os gallumbos e as bragas estean cheos de fermosos poemas de amor. En galego, por suposto.
Comentarios - Referencias (1)
Referencias
-
[...] un comentario co que non podo estar máis en desacordo, sobre a Poesía Galega dos Noventa. Yolanda Castaño, por exemplo, é unha autora pola que teño moita querencia. O seu "O libro da egoísta" é un gran libro de poesía.
Aproveito, de paso, [...]
Referencia de A CANCIÓN DO NÁUFRAGO hace 2 años y 36 meses
Comentarios
-
Será fermoso poder ler nas bragas a Rosalia ou Benedetti.
Bicos e apertas. Muralla.Comentario de muralla hace 3 años y 36 meses
-
Sintoo, pero non, textos poeticos na roupa exterior. Nas bragas e calzons, frases curtas, imperativas, porcas, dexeso, sexo puro e duro, a poesia deixemola para a seduccion.
Comentario de leo hace 3 años y 36 meses
-
Fran, non sei que tipo de bragas son as que teñen tea suficiente para ter escrita unha frase. Hoxendia nas bragas só entra unha vocal ou como moito unha consoante. Bueno, a non ser as das avoas.
Comentario de derrota hace 3 años y 36 meses
-
Pois a braga, a verdade, era máis ben mínima. E a gracia do asunto está en que hai que ir dándolle a volta para lela completa. Que cada quen imaxine, a partir de aquí, o que lle pete.
Comentario de Francisco Castro hace 3 años y 36 meses
-
Há pouco ainda era habitual encontrar nas livrarias, na secção "literatura galega" manuais de direito, matemáticas, as traducções todas -isto têm seu aquel sugestivo- livros de cozinha...Com criterio, nos grandes armazens e nos hipers, não seria impossivel essas bragar irem também para os andeis da secção de galego. Havia de ser curioso.
Comentario de jlombardeiro hace 3 años y 36 meses
-
Ou,moito mellor, nas tendas de lencería, vender libros eróticos (eu escribín un ). O asunto é innovar.
Comentario de Francisco Castro hace 3 años y 36 meses
-
Veña, señores. Iso que pedides xa existe: chámase 'Poesía dos 90'. E os seus versos, se non ripiosos, son case tan malos como os das devanditas bragas.
Comentario de The dew upon the leaf hace 2 años y 36 meses